Plattdüütsch Narichten vun'n 5. Januar 2018, [2:49]
Nich all willt niege Grote Koalitschoon
Berlin: Dat dat villicht weer eene Grote Koalitschoon gifft, dat willt lang noch nich all lieden. De ARD hett rümfraagt un blots fiefunveertig Perzent vun de Lüüd deen dat goot of bannig goot finnen, tweeunföfftig Perzent seggt, dat weer nich so goot of gornich goot. Wenn dat mit dat Verhanneln över eene Grote Koalitschoon nich slumpt, dennso willt de Minschen ehrder niege Wahlen as eene Minnerheetsregeern.
Seoul: Nord- un Südkorea sünd sick eenig worrn un willt mitnanner snacken. Se willt an eene Stee tohoopkamen, de flack an de Grenz twüschen de beiden Länner liggt. Plaant is, dat se bian anner Saken doröver snacken willt, of Nordkorea mitdeit bi de olympschen Winterspeel. Un denn schall dat ok dorüm gahn, woans een Mitnanner beter warrn kunn.
Baas vun de ungarsche Regeern bi CSU
Seeon: Bi de Versammeln vun de Bunnsdagsafordneten vun de CSU schall hüüt de Baas vun de ungarsche Regeern Orban to Besöök kamen. In Europa köönt nich all Orban verknusen. Se möögt em nich vunwegen siene stramme Flüchtlingspolitik, siene Meenen to de Demokratie, to’n Rechtsstaat un dat een  free allens seggen kann. Up Visit bi de CSU-Versammeln kümmt denn ok noch de Börgermester vun Liew, Klitschko. Â
Wieder Gewelt in’n Iran
Teheran: Veele Lüüd sünd bang, dat dat hüüt över Dag to Gewelt kamen kunn twüschen de Minschen, de de Mullah-Regeern lieden möögt, un de, de dat nich möögt. An de Hochschool in Teheran warrt woll hüüt den mal wesen Staatspräsident Chatami to dat Freedagsgebeet kamen. He is stramm för de Regeern un dorüm sünd se bang, dat dor wat passeern kunn. Ok güstern Abend sünd weer in veele Städt Lüüd tegen de Regeern up de Straat gahn.
Krüüzfahrttiet fangt in Bremerhaben an
Bremerhaben: Mit dat erste Schipp fangt hüüt de Krüüzfahrttiet in Bremerhaben weer an. Dor warrt woll sowat sösshunnert Lüüd ut Grootbritannjen na Bremerhaben up Visit kamen. De Lüüd, de dat Krüüzfahrt-Zentrum bedrievt, de verwocht för düt Johr soveel Besökers as noch nienich un dat schall bi sowat 250.000 Lüüd liggen. Â
Dat Weer
Un so steiht dat Thermometer upstunns: an’n Bremschen Fleegerhaben, an de Fiskereehabenslüüs in Bremerhaben, in Osterholt-Scharmbeck un ok up Wangerooge bi söss Grod. Hüüt gifft dat weer veele Wulken un af un an kann dat schuern, man de Sünn kann ok bilangs kieken bi söss bit acht Grod. De Wind weiht toerst ut de Richt Südwest mit Maten bit frisch, an’n Namiddag leggt sick dat. Tokamen Nacht kann dat an de Küst verenkelt schuern un up den Morrn to kümmt Daak up bi veer bit dree Grod. Morrn vun allens wat: Wulken, Sünnschien of gries un daakig bi veer bit söss Grod. An’n Sünndag warrt dat vun de Nordsee her fründlicker un dat is drög bi een bit dree Grod un dat blifft ok an’n Mondag so. Dat weern de Nahrichten. Jan Siegert hett se tohoopstellt. Up Platt trechtmaakt un vörleest hett se Gesine Reichstein.
5. Januar 2018
Kalender
Info: Plattdüütsch Narichten
Aktuelle plattdeutsche Nachrichten werktags auf Bremen Eins und hier für Sie zum Hören.
Sendezeit:
Mo. - Fr., 10:30 Uhr
Das Team der Plattdeutschen Nachrichten
Hier köönt Se sick de Lüüd ankieken, de Dag för Dag dat Niegste up Platt in de Welt brengt. Mehr...
E-Mail ins Studio
0421 - 246 611
Musikwünsche auf Bremen Eins
Überraschen Sie Ihre Mitmenschen mit einem Gruß oder einem Musikwunsch. Wir senden sie montags bis samstags in der Sendung "Grüße und Musik". Mehr...
Bremen Eins twittert
Folgen Sie uns auf Twitter und bekommen Sie die aktuellsten Infos über unser Programm. Neuester Eintrag:
Tweets werden geladen...
Webchannels
Beat-Musik und musikalische Schätze rund um die Uhr, wann immer Sie wollen, nonstop abrufbar. Klicken Sie hier für unsere Webchannel. Mehr...
Podcasts
Radio hören – wann und wo Sie wollen: Hier finden Sie eine Übersicht über alle Podcast von Bremen Eins. Mehr...
Frequenzen
Alle nötigen Empfangsdaten für den Empfang von Bremen Eins: Ob terrestrisch, per Satellit oder Kabel - hier bekommen Sie die nötigen Daten. Mehr...
Suche
Durchsuchen Sie den Bereich Bremen Eins nach Ihrem Stichwort:
Kontakt
Haben Sie Anregungen oder Fragen? Hier finden Sie Ihre Ansprechpartner bei Bremen Eins. Mehr...